去年稀疏 

　　今日浓密 
　　香港回归十二年间经历好大转变，沙士英雄袁国勇嘅发丝亦跟随时代巨轮经历大起大落。袁教授十年前拥有浓密而乌黑嘅头发，可惜头顶发丝随着岁月而变得稀疏。不过，袁教授近月头发忽然大地回春，变得相当浓密，睇落后生十几年。
　　
　　据闻医学界近期对袁教授新发型议论纷纷，甚至有业界人士问佢系咪植发，袁教授只系笑而不答。又有业界人士质疑，袁教授去年中都未曾“变发”，就算植发都无理由生得咁快，况且佢曾自爆请教过医生，研究点样可以搞好啲头发，可惜医生泼冷水话年纪关系，所以无得搞喎！
　　
　　我哋翻查过资料图片，袁教授去年六月确系仲未“变发”，但到八月忽然以新形象示人，真系打针都无生得咁快。根据资料显示，植发一年后先可看到三至四吋长嘅新发，长极有限，如果要短时间内将稀疏头发变得长而浓密，可以拣织发同戴假发。