二十九岁的创作歌手侧田为遮掩M字额，出道以来帽不离头，没料到此举反触发传媒对他 的好奇心，派出狗仔队日以继夜贴身追踪，令侧田大感困扰；已有秃发烦恼二十多年的罗家英深深体会侧田苦况，但认为一切既来之则安之，家英哥建议与其长年累 月遮遮掩掩，倒不如干脆除帽以真面目示人，让大家看个够影个饱，免得日夜提心吊胆如此辛苦。
　　
　　罗家英以侧田造型示人，估不到亦似模似样。
　　
　　罗家英：你顶帽不如畀我戴啦！设计对白 
　　 
　　侧田深受M字秃额困扰。
　　
　　侧田：天都不爱我，畀啲头发我！设计对白  　　
　　罗家英（左）
　　
　　秃发几乎是罗家英的个人标记，虽然早年有些口没遮拦的人讥笑他为“秃英”，但家英哥总阔佬懒理，一笑置 之。不过，秃发的烦恼，也不是完全没对家英哥造成伤害，当他三十来岁在粤剧界闯出名堂之际，却赫然发现自己由靓仔文武变成秃发小生，或多或少对当时拥有不 少戏迷的他造成打击。究竟，家英哥发现自己开始甩头发时，有没有产生恐惧感？又有没有像侧田般不敢以真面目示人？
　　
　　“梗系想靓仔啲”
　　
　 　家英哥笑说：“咁又冇，只系觉得自己会冇咁靓仔啰！作为艺人，梗系想自己靓仔啲啦！虽然我做粤剧呢行要戴头套演出，观众睇唔到我甩头发，但有头发总好过 冇头发嘛！记得细个剪头发嘅时候，飞发师傅同我讲话发脚高嘅人将来一定甩头发，我发脚好高，大个咗一定甩晒啲头发，估唔到俾佢讲中咗喎！”
　　
　 　那么，家英哥当年可有采取任何方法补救？“我睇书参考，试过用柏叶浸酒，九蒸九晒，即系用柏树嘅叶，蒸完之后再晒干，如是者蒸九次晒九次之后，再用拔兰 地浸，然后再搽落个头度，亦有好多人介绍我用其他方法，但一啲都冇帮助！我知道自己冇可能生得番啲头发出嚟，因为我爸爸都系秃发，我呢个现象系遗传，加上 我系油性皮肤，头油特别多，会阻塞住啲毛孔，加速甩头发，既然知道医唔好，咁咪算数，由得佢甩到够啰！”
　　
　　日前一项调查报告显示，百分之六十七的女性宁愿拣肥胖男性做男朋友，也不会拣甩发男友，家英认同脱发男性在结交异性时有一定影响，并笑言自己当年因为甩发而被女友甩掉，“当时我女朋友话唔介意，但唔知系咪其实好介意，所以到后来佢飞咗我呢！”
　　
　 　犹记得家英哥与阿姐汪明荃初初拍拖时，经常戴假发示人，究竟他是否为了阿姐才戴假发？“咁又唔系！我以前有个邻居系做假发嘅，佢成日游说我试吓，咁我咪 试啰，有时我就咁上台唱戏，唔系着住戏服嗰阵咪戴番个假发啰！不过假发始终都好假，唔系咁好睇，织发我又嫌麻烦，每隔几个礼拜啲头发长咗几吋，又要再花几 个钟头再织过，每次重要成千几二千蚊，好唔化算！”
　　
　　“天生有乜办法” 　　
　　
　　 　　 
　　秃发令家英哥经常被取笑，但他不但没耿耿于怀，反而利用 这个特征来发展笑匠路线，总算在影圈闯出名堂，“就系因为我冇乜头发，成龙先至喺《重案组》搵我扮王德辉，跟住愈嚟愈多电影搵我。冇错，系有人会取笑我， 但正如生得靓生得丑，天生嘅嘢又有乜法子？既来之则安之，我都有睇过侧田单新闻，作为过来人，我建议佢应该尽早以真面目见人，啲人影多几次睇多几次之后， 自自然然冇嘢讲o架啦，到时咪可以安心做好自己工作，唔使再遮遮掩掩啰！又或者剃光个头，好似张卫健咁，一剃光之后重有运行！”